Tələbə Qəbulu üzrə Dövlət Komissiyası (TQDK) 2016/2017-ci tədris ili üçün Azərbaycan Respublikasının ali təhsil müəssisələrinə yerləşdirmənin nəticələrini avqustun 11-də elan edib.
Modern.az xəbər verir ki, nəticələrə əsasən, ali təhsil müəssisələrinin 41736 plan yerinin müsabiqəsində 38118 abituriyent iştirak edib. Onlardan 34224 nəfəri ali təhsil müəssisələrinə qəbul olunub. Qəbul olanların 16369 nəfərini oğlanlar, 17855 nəfərini qızlar təşkil edir. 12309 nəfər dövlət sifarişi əsasında, 21915 nəfər isə ödənişli əsaslarla təhsil almaq hüququ əldə edib.
Tələbə adı qazanmış şəxslər 2016-cı il avqustun 15-dən 25-dək sənədlərini daxil olduqları təhsil müəssisəsinə təqdim etməklə qeydiyyatdan keçməlidirlər.
Müəyyən olunmuş müddətdə qeydiyyatdan keçməmək abituriyentin müvafiq ixtisasa yerləşdirilmədən imtina etməsi kimi qiymətləndiriləcək və onun qəbul haqqında əmri ali məktəbə göndərilməyəcək.
Ali təhsil müəssisələrinin boş qalan (vakant) plan yerlərinin siyahısı “Abituriyent” jurnalının 8-ci sayında dərc olunacaqdır. Həmin yerlərə ixtisas seçimi avqustun 15-dən 19-dək internet vasitəsilə aparılacaq.
Qeyd edək ki, ali təhsil müəssisələrinə I mərhələdə qəbul olmayan abituriyentlər orta ixtisas təhsili müəssisələrinə də ərizə təqdim ediblərsə, onlar öz elektron ərizələrində ali təhsil müəssisələrinin boş qalan yerləri ilə yanaşı orta ixtisas təhsili müəssisələrinin də ixtisaslarını göstərə bilərlər.
Qəbul planı, bölmələr və qruplar üzrə qəbul, oğlan və qız abituriyentlərin qəbul göstəriciləri haqqında statistik məlumatlar aşağıdakı cədvəllərdə təqdim olunur:
ALİ TƏHSİL MÜƏSSİSƏLƏRİNƏ (DÖVLƏT VƏ ÖZƏL) QƏBUL OLAN ABİTURİYENTLƏRİN SAYI HAQQINDA MƏLUMAT
(I mərhələdən sonra)
İxtisas qrupu | Qəbul planı | Qəbul olub (o cümlədən, dövlət sifarişi əsasında) | Qəbulolma faizi | Vakant | ||
Azərbaycan bölməsi | Rus | Bölmələr | ||||
I | 13610 | 9708 (5102) | 1087 (526) | 10795 (5628) | 79.31 | 2816 (20.69) |
II | 12205 | 8564 (1723) | 1203 (178) | 9767 (1901) | 80.02 | 2438 (19.98) |
III | 9757 | 7802 (2480) | 675 (120) | 8477 (2600) | 86.88 | 1280 (13.12) |
IV | 3310 | 2496 (1363) | 143 (63) | 2639 (1426) | 79.73 | 671 (20.27) |
V | 2854 | 2227 (661) | 319 (93) | 2546 (754) | 89.21 | 308 (10.79) |
CƏMİ | 41736 | 30797 (11329) | 3427 (980) | 34224 (12309) | 82.00 | 7513 (18.00) |
Oğlan abituriyentlərin qəbul göstəriciləri
İxtisas | Qəbul edilibdir (o cümlədən, dövlət sifarişi əsasında) | ||
qrupu | Azərbaycan bölməsi | Rus bölməsi | Bölmələr üzrə cəmi |
I | 5648 (2960) | 669 (305) | 6317 (3265) |
II | 5387 (985) | 605 (77) | 5992 (1062) |
III | 1784 (339) | 121 (8) | 1905 (347) |
IV | 626 (354) | 29 (18) | 655 (372) |
V | 1351 (376) | 149 (38) | 1500 (414) |
Qruplar üzrə cəmi | 14796 (5014) | 1573 (446) | 16369 (5460) |
Qız abituriyentlərin qəbul göstəriciləri
İxtisas | Qəbul edilibdir (o cümlədən, dövlət sifarişi sasında) | ||
qrupu | Azərbaycan bölməsi | Rus bölməsi | Bölmələr üzrə cəmi |
I | 4060 (2142) | 418 (221) | 4478 (2363) |
II | 3177 (738) | 598 (101) | 3775 (839) |
III | 6018 (2141) | 554 (112) | 6572 (2253) |
IV | 1870 (1009) | 114 (45) | 1984 (1054) |
V | 876 (285) | 170 (55) | 1046 (340) |
Qruplar üzrə cəmi | 16001 (6315) | 1854 (534) | 17855 (6849) |
Modern.az