Türkiyə yaxın günlərdə Afrin şəhərinin mərkəzini mühasirəyə alacaq.
Modern.az Türkiyə KİV-nə istinadən xəbər verir ki, bu barədə barədə məlumatı Türkiyə prezidenti Rəcəb Tayyib Ərdoğan verib. O qeyd edib ki, “ Zeytun budağı əməliyyatı tezliklə daha sürətli şəkildə irəliləyəcək: “ Bu gün 1715 terroristi zərərsizləşdirmişik, eyni zamanda 32 şəhidimiz var. Əməliyyat həm əsgərlərimizin həyatını riskə atmamaq həm vətəndaşlara qarşı həssaslıqla hərəkət etdiyimiz üçün ləng gedə bilər, amma bu həqiqəti heç kəsin unutmaması lazımdır. Biz ora qarşımıza çıxanı yandırıb yıxmaq üçün getməmişik. Hazırda ölkəmizdə yaşayan yüz minlərlə bölgə xalqı üçün təhlükəsiz və yaşamaq üçün yararlı region olması üçün getmişik”.
Türkiyə prezidenti qeyd edib ki, yaxın günlərdə daha sürətli şəkildə Afrin şəhər mərkəzinin mühasirəsi həyata keçiriləcək: “ Beləliklə, həm şəhərə və regiona xaricdən gələn yardımların qarşısı kəsiləcək. Həm də terror təşkilatının kimləsə bazarlıq apara bilmək imkanı qalmayacaq. Türk millətinin qırmızı cizgilərini yox sayanlara var olduğumuzu göstərmək boynumuzun borcudur”.
