İyunun 10-da saat 18:00 radələrində işğalçı Ermənistan ordusu Qarabağda növbəti itki verib.
Modern.az saytı Ermənistan KİV-nə istinadən xəbər verir ki, cəbhənin cənub istiqamətdəki erməni hərbi hissələrindən birində ölümcül güllə yarası alan 1992-ci il təvəllüdlü Vaan Eloyan həyatını itirib. O, İrəvan şəhərində anadan olmuşdu.
Ermənistan Müdafiə Nazirliyinin mətbuat xidmətindən verilən məlumata görə, hadisənin detallarını müəyyənləşdirmək üçün istintaq aparılır. Hərbçinin Azərbaycan tərəfdən açılan atəşlə məhv edildiyi də bildirilir.
A.Qorxmaz
