Tanınmış hərbi jurnalist Rahib Qərib “Real” TV ilə yollarını ayırıb.
Modern.az saytı xəbər verir ki, bu barədə məlumatı jurnalist özü də təsdiqləyib. O, saytımıza açıqlamasında “Real” TV-dən uzaqlaşmaqla, heç də jurnalistikadan uzaqlaşmadığını, əksinə, sərbəst fəaliyyətə başladığını bildirib:
“34 illik jurnalist fəaliyyətim var. Bu müddətdə rəsmi mətbuatda, rayon qəzetində, “Azərbaycan” Nəşriyyatında, AzTV-də, daha sonra Müdafiə Nazirliyinin kino-telestudiyasında çalışmışam. İndi isə sərbəst fəaliyyət göstərmək istəyirəm, ilk dəfə “Youtube” üzərindən 1992-cı ildən müharibə şəraitində yaşayan Azərbaycanın “teleməkanı necə olmalı!" nümunəsini göstərəcəyəm.
“Real” TV-də isə lazımi qədər – iki ay fəaliyyət göstərdim. Amma mən daha geniş çapda fəaliyyətimi “Real”da reallaşdıra bilmədiyimi gördüyüm üçün müstəqil və sərbəst işləməyi seçdim”.
