Çinli oğlanlar evlənməkdə çətinlik çəkirlər. Ölkədə qızların sayı oğlanlarla müqayisədə hədsiz dərəcədə azdır.
Modern.az xəbər verir ki, BBC-nin araşdırmasına görə, Çində kişilərlə qadınların sayı arasındakı fərq milyonlarla hesablanır. Bu, 2015-ci ildə dayandırılan “tək uşaq siyasətinin” nəticəsidir. Aradakı kəmiyyət fərqinin getdikcə artacağı proqnozlaşdırılır.
Mütəxəssislərin hesablamalarına əsasən, 2020-ci ildə Çindəki subay kişilərin sayı 30 milyonu keçəcək. Bundan başqa, sosioloqlar 2030-cu ilədək 30 yaşlı çinli kişilərin dörddə birinin subay qalacağını qeyd ediblər.
