“Hazırda məzuniyyətdəyəm, istirahət edirəm”.
Bu barədə Modern.az-a Bakı Şəhər İcra Hakimiyyətinin (BŞİH) mətbuat xidmətinin rəhbəri Nailə Məmmədova bildirib.
N.Məmmədova vəzifəsindən azad edilməsilə bağlı mediada yayılan xəbərlərə aydınlıq gətirərkən, “yəqin jurnalistlər zəng edib, telefonu açmamışam, ona görə belə düşünürlər”, -deyib.
O, vəzifəsindən azad olunmadığını desə də, BŞİH-dən N.Məmmədovanın vəzifəsinin dəyişdirilərək, baş mütəxəssis təyin olunduğu vurğulanıb.
N.Məmmədova onun vəzifədən azad edilməsilə bağlı yazanlara gülərək, “yazırlar, canları sağ olsun. Qoy yazsınlar”,- deyə reaksiya verib.
Xatırladaq ki, Nailə Polad qızı Məmmədova 2014-cü il iyulun 1-dən BŞİH-nin o vaxtkı rəhbəri Hacıbala Abutalıbovun sərəncamına əsasən, mətbuat xidmətinin rəhbəri təyin olunmuşdu.
