İslandiya vulkanı Ermənistan prezidenti Serj Sərkisyanın Belçika səfərinə mane oldu. Modern.az erməni mətbuatına istinadən xəbər verir ki, Serj Sərkisyanın Belçika səfəri Avropanın hava nəqliyyatını iflic etmiş vulkan buluduna görə təxirə salınıb. Bu barədə Ermənistan prezidentinin mətbuat katibi Armen Arzumanyan bildirib. O səfərin başqa vaxtda reallaşdırılacağını deyib. Səfər gedişində Sərkisyanın Avopa Birliyi və Belçika rəhbərləri ilə görüşləri nəzərdə tutulub.