Modern.az

Təhsil Nazirliyi 1950 manat mükafat ayırıb

Təhsil Nazirliyi 1950 manat mükafat ayırıb

25 Sentyabr 2009, 15:24

Təhsil Nazirliyi təhsil sistemində idman və fiziki tərbiyə işini daha da yaxşılaşdırmaq, bu sahədə çalışan istedadlı gənc idmançıları, məşqçi-müəllimləri aşkar etmək, onları rəğbətləndirmək məqsədilə Respublika müsabiqəsi keçirəcək. Nazirliyin ictimaiyyətlə əlaqələr şöbəsindən Modern.az-a verilən məlumata görə,  müsabiqənin keçirilməsi barədə nazir Misir Mərdanov müvafiq əmr imzalayıb. Sözügedən əmrə əsasən, müsabiqə uşaq-gənclər idman və şahmat məktəbləri, idmançı və məşqçi-müəllimlər arasında müxtəlif nominasiyalar üzrə keçiriləcək. Müsabiqənin respublika mərhələsinə 2009-cu ilin dekabr ayında yekun vurulacaq.

Müsabiqə nəticəsində ilin ən yaxşı ixtisaslaşdırılmış olimpiya ehtiyatları uşaq-gənclər idman və şahmat məktəbləri, şəhərlər və kənd rayonları üzrə ilin ən yaxşı uşaq-gənclər idman və şahmat məktəbləri, ilin ən yaxşı idmançısı, ilin ən yaxşı şahmatçısı, şahmat məktəbləri üzrə ilin ən yaxşı məşqçi-müəllimi, idman məktəbləri üzrə ilin ən yaxşı məşqçi-müəllimi müəyyənləşdiriləcək.

Respublika  müsabiqəsinə təqdim ediləcək idmançı, məşqçi-müəllim və məktəblər haqqında məlumatlar dekabrın 5-dək yerlərdən nazirliyin Tərbiyə və məktəbdənkənar müəssisələrlə iş şöbəsinə təqdim edilməlidir.

Müsabiqə qaliblərinin mükafatlandırılması üçün 1950 manat vəsait ayrılıb.

 

 

 

Facebook
Dəqiq xəbəri bizdən alın!
Keçid et
Ukraynadan Rusiyaya ardıcıl zərbələr: Vəziyyət kritikdir