Bu gün Milli Məclisin yeni üzvlərindən olan, Gəncə Avtomobil zavodunun direktoru Xanlar Fətiyevin ad günüdür, onun 39 yaşı tamam olub.
Modern.az-ın məlumatına görə, Xanlar Fətiyev 1972-ci ildə Bakı şəhərində anadan olub. 1988-ci ildə Azərbaycan Memarlıq və İnşaat Unversitetinin «İnşaat sənaye və mülki tikinti» fakültəsinə daxil olub və fakültənin tam kursunu bitirib. İş fəaliyyətinə 1988-ci ildə -ci ildə «Azərtransqaz» nəzdində 2№li səyyar mexanikləşdirilmiş kolonda fəhlə kimi başlayıb, 1990-91-ci illərdə «Betonçu» kooperativində iqtisadiyyat və istehsalat üzrə mühəndis, 1992-94-cü illərdə isə həmin kooperativdə sədr vəzifəsində işləyib.
1994-97-ci illərdə «Elruz» kiçik müəssisəsində sədr, 1997-2003-cü illərdə «Avestas» firmasının baş direktoru, 2003-2004-cü illərdə «Aznur» MMC-nin baş direktoru vəzifələrində çalışıb.
2004-cü ildən bu günə kimi Gəncə Avtomobil Zavodunun direktoru vəzifəsində işləyir.
2010-cu ildə keçirilən parlament seçkilərində Yeni Azərbaycan Partiyası tərəfindən vahid partiya siyahısı üzrə 39 saylı Kəpəz I (Gəncə) Seçki Dairəsindən namizədliyi irəli sürülüb və mandat qazanıb. Milli Məclisin Təhlükəsizlik və müdafiə komitəsinin üzvüdür.
Ailəlidir, iki uşağı var.
X.Fətiyev həm də Gəncə Regional Futbol Federasiyasının prezidentidir.
Modern.az
