Çinin Hunan əyalətinin mərkəzində avtobusda baş verən yanğın 30 nəfərin ölümünə səbəb olub. Modern.az saytı anspress-ə istinadən xəbər verir ki, yanğın turist avtobusunda baş verib.
56 nəfər sərnişin daşıyan avtobus sürətlə hərəkət edərək arakəsməyə çırpılıb. Bildirilir ki, yanğın benzin sızması nəticəsində baş verib. Ölənlərin arasında bir neçə uşaq da var. Yanıq xəsarəti alan yaralılar isə təcili olaraq xəstəxanalara çatdırılıb.
Avtobusun sürücüsü həbs sedilib.
Anoloji hadisə bu ilin yanvarında Çinin Yinçuan şəhərində baş verib. Avtobusun yandırılması nəticəsində 17 nəfər ölüb 32 nəfər yaralanıb.
2014-cü ilin iyul ayında da analoji hadisə baş verib. Çinin Quançjou şəhərindən günün pik saatında avtobusun yandırılması nəticəsində 32 nəfər ağır yanıq xəsarəti alıb.
2013-cü ildə baş verən hadisəni isə ən dəhşətlisi adlandırmaq olar. Çinin Xiamen şəhərində avtobusun yandırılması zamanı 47 nəfər diri-diri yanaraq həyatını itirib.
Modern.az
