Türkiyədə yeni yaradılan “Xainlər Qəbiristanlığı”nın görüntüləri yayılıb. Modern.az saytı Türkiyə mediasına istinadən xəbər verir ki, görüntülərdə ilk basdırılan “xain”in qəbri və işçilərin yeni qəbirlər qazması əks olunub.
Qeyd edək ki, qəbiristanlıq Tepeörendə İstanbul Bələdiyyəsinin sahibsiz heyvanlar üçün qurulan sığınacağının olduğu ərazidə salınıb. Qəbirstanlığın girişində “Xainlər Qəbiristanlığı” lövhəsi nəzərə çarpır.
Xatırladaq ki, İstanbul bələdiyyə başçısı Kadir Topbaş dünən “xainlər qəbiristanlığı”na bir vətən xaininin basdırıldığını bildirmişdi. Burada basdırılan ilk şəxsin Acıbadəmdə məhəllə muxtarını öldürən kapitan Mehmet Karabekir olduğu məlum olub.
Modern.az
