Milli Məclisin deputatı Zahid Oruc bu gün ad gününü qeyd edir. Modern.az-ın məlumatına görə, Zahid Məhərrəm oğlu Orucov 1972-ci il fevralın 1-də Gədəbəydə anadan olub. 1989-cu Texniki Universitetə daxil olub. 1994-cü ildə Azərbaycan Milli Elmlər Akademiyasının Fotoelektronika İnstitutunun aspiranturasına daxil olub.
Bundan sonra Fizika İnstitutunun elmi işçisi olub.
1993-cü ildən fəal siyasi həyata başlayıb. İlk olaraq Ana Vətən Partiyasının mətbuat xidmətinin rəhbəri olub..
1996-2000-ci illərdə Azərbaycan EA-nın Fotoelektronika İnstitutunda elmi işçi vəzifəsində çalışıb.
1997-ci ildən Ana Vətən Partiyası sədrinin siyasi məsələlər üzrə müavinidir. 1999-2000-ci illərdə "Ana vətən" qəzetinin redaktoru olub.
2001, 2005 və 2010-ci ildə 93 saylı Bərdə şəhər seçki dairəsindən deputat seçilib. Milli Məclisin Təhlükəsizlik və müdafiə komitəsinin üzvüdür. Rus və ingilis dillərini bilir.
Ailəlidir, 2 övladı var.
Modern.az