Xarici ölkələrdə yaşayan azərbaycanlıların əsas problemlərindən biri də dərs vəsaitləri ilə bağlıdır. Hər il olduğu kimi, bu il də Gürcüstanda yaşayan azərbaycanlıların təhsil aldıqları məktəblərə dərsliklər göndərilib.
Modern.az-ın sorğusuna cavab olaraq Təhsil Nazirliyi məsələyə aydınlıq gətirib.
“Gürcüstan və Azərbaycan hökumətləri arasındakı qarşılıqlı razılaşma barədə protokola əsasən, Gürcüstandakı Azərbaycandilli məktəblərə hər il onların sifarişi əsasında dərsliklər verilir”,-nazirlik bildirib.
O da qeyd edilib ki, digər xarici ölkələrə gəldikdə isə bununla bağlı Təhsil Nazirliyi qərar vermir:
“Digər xarici ölkələrdə yaşayan azərbaycanlıların dərslik təminatı isə əsasən icmaların və ya səfirliklərin müraciətləri əsasında araşdırılır və müvafiq qərar qəbul edilir”.
Namidə BİNGÖL
