Prezident İlham Əliyev “Azərsu” Açıq Səhmdar Cəmiyyətinin yenu sədrinin təyin edilməsi haqqında sərəncam imzalayıb.
Ölkə başçısının sərəncamı ilə Qorxmaz Cavanşir oğlu Hüseynov “Azərsu” Açıq Səhmdar Cəmiyyətinin sədri təyin edilib.
Modern.az-ın məlumatına görə, Qorxmaz Cavanşir oğlu Hüseynov indiyədək Azərbaycan Respublikası Dövlət Neft Şirkətinin sosial məsələlər üzrə vitse-prezidenti vəzifəsində çalışırdı.
Q.Hüseynov 1965-ci ildə Cəbrayıl rayonunda anadan olub, iqtisadçı-mühəndisdir. Əmək fəaliyyətinə 1989-cu ildə “Neft Daşları”ında başlayıb. Dövlət Neft Şirkətinin Sosial İnkişaf İdarəsinin rəisi vəzifəsində çalışıb. 2007-ci ilin dekabrında ARDNŞ-nin vitse-prezidenti vəzifəsinə təyin edilib.
Xatırladaq ki, Prezident İlham Əliyevin sərəncamı ilə fevralın 16-da “Azərsu” Açıq Səhmdar Cəmiyyətinin sədri Nizaməddin İsmayıl oğlu Rzayev tutduğu vəzifədən azad edilib.
Modern.az
