Azərbaycan Dillər Universitetinin (ADU) rektoru, millət vəkili Səməd Seyidov bildirib ki, hazırda ADU-nun diplomları dünyanın bir çox ölkələrində, o cümlədən Fransa, İtaliya və Türkiyə universitetləri tərəfindən tanınır: “Qeyd edim ki, bu diplomlar birbaşa deyil, yalnız universitetlərası müqavilə əsasında tanınır. Ancaq biz Azərbaycan ali təhsil ocaqlarının verdiyi diplomları dünyada və Avropada tanıtmaq üçün bundan sonrada çox iş görməliyik, öz səylərimizi davam etdirməliyik”.
S.Seyidov daha sonra ADU ilə Böyük Britaniyanın Esseks universiteti arasında imzalanmış müqavilənin əhəmiyyətindən danışıb: “Bizim Esseks universiteti ilə imzaladığımız müqavilə nəticəsində ADU-nun diplomları Avopada tanınacaq. Nəticədə həm tələbələrə iki diplom veriləcək, həm də bu əməkdaşlıq Azərbaycan təhsil sistemində böyük uğurlara gətirib çıxaracaq. Mən hesab edirəm ki, Azərbaycan təhsil sistemində gedən proseslər dünya standartrlarına uyğun səviyyədə təşkil olunur. Bu da öz növbəsində Azərbaycan diplomlarının dünyada tanınmasında öz töhfəsini verəcək”.
Anar Rüstəmov
