Milli Məclisinin deputatı Elman Nəsirov Dünya Azərbaycanlıları Assambleyasının beynəlxalq məsələlər üzrə vitse-prezidenti təyin olunub.
Modern.az xəbər verir ki, bu DAA-nın Prezidenti Rəşad Quliyevin sərəncamı ilə baş tutub.
Elman Nəsirov Göyçay - Ağdaş dairəsinin millət vəkili, Azərbaycan Respublikası Milli Məclisinin beynəlxalq münasibətlər və parlamentlərarası əlaqələr, insan hüquqları komitələrinin üzvü, habelə AI-Azərbaycan parlamentlərarası əməkdaşlıq komitəsinin və Dünya Azerbaycanlılarının Əlaqələndirmə Şurasının üzvüdür. Azərbaycan Respublikasının Prezidenti yanında Dövlət Idarəçilik Akademiyasının Siyasi Araşdırmalar Institutunun direktoru politoloq, siyasi elmler doktorudur.
Qeyd edək ki, Dünya Azərbaycanlıları Assambleyası 06.09.2016 tarixində Almaniya Federativ Respublikasının məhkəmə və ədliyyə orqanları tərəfindən beynəlxalq təşkilat olaraq qeydiyyata alınıb. Təşkilatın mərkəzi Almaniyanın Köln şəhərindədir.
Modern.az
