Milli Məclisin bugünkü iclasında millət vəkili Fazil Müstafa Qəbələ RLS-dəki yenidənqurma işlərinin başladığı barədə Modern.az-ın yaydığı məlumatı səsləndirib.
Deputat bildirib ki, bu RLS Azərbaycanın ərazisində yerləşən hərbi obyektdir. “Ancaq biz mətbuatdan oxuyuruq ki, Rusiya burada modernləşmə aparmaq istəyir. Moskva bununla bağlı mütləq bizə məlumat verilməlidir”-deyə deputat vurğulayıb.
Millət vəkili həmçinin 5 yaşlı uşağın anası və atası tərəfindən öldürülməsi ilə bağlı məlumatın ictimailəşdirməsinə görə ANS telekanalına minnətdarlıq edib.
Bu faciənin bir siqnal olduğunu deyən deputat qeyd edib ki, 100-lərlə bu cür təhlükədə olan balaca uşaqlar var. “Bu uşaqları təhlükədən qutarmaq lazımdı”-deyə millət vəkili bildirib.
Modern.az
