Azərbaycanlı deputat Ruslan Hacıyev Gürcüstan parlamentinin Elm Təhsil Komitəsinə üzv seçilib.
Deputat Modern.az –a açıqlamasında azərbaycanlıların təhsil problemlərindən danışarkən, dərsliklərdən də söz açıb.
“İki il ərzində Marneuli təhsil idarəsinin rəhbəri olaraq tam əminliklə söyləyə bilərəm ki, bütün məktəblərimiz dərsliklərlə təmin edilib. 2016-2017-ci tədris ili üçün 44-45 min civarında dərslik Gürcüstan Təhsil Nazirliyi tərəfindən əlavə olaraq Marneuli məktəblərinə çatdırılıb. Məndə olan məlumatlara görə, hal-hazırda dərslik problem yoxdur”.
Ruslan Hacıyev parlamentin iclaslarındakı işlərindən də danışıb.
“Deputat olaraq, görüləcək işlər çoxdur.Elm, təhsil komitəsində yeni qanun layihələri ilə bağlı çıxışlarımız olacaq. Təbii ki, bir çox planlarımız var. Hələ ki, həmin planlar barədə öncədən məlumat vermək istəmirəm”
Hakim partiyada təmsil olunan deputat, sabiq prezident Saakaşvili barəsində sualları cavablandırmaq istəməyib.
“Başqa dövlətin vətəndaşı barəsində fikir söyləməyim doğru deyil. Nə söyləməyindən asılı olmayaraq, vəziyyət göz qabağındadır”.
Namidə BİNGÖL