Ana Vətən Partiyasının sədri Fəzail Ağamalı millət vəkili seçildiyi 60 saylı Salyan-Neftçala Seçki Dairəsinin Parça Xalac, Seydan, Kürsəngi kəndlərində seçicilərlə görüşlər keçirib. Bu barədə Modern.az-a AVP mətbuat xidmətinin rəhbəri
Babək Hacıyev məlumat verib. Onun sözlərinə görə, görüşə gələn seçicilər fəallıq nümayiş etdirib və kəndlərin problemlərini önə çəkiblər. Əsasən də kəndlərin qazlaşmasının vacibliyini, sosial yardıma ehtiyacı olanlara ünvanlı sosial yardımın verilməsində süründürməçiliyin və neqativ halların olduğunu millət vəkilinin diqqətinə çatdırıblar. “Bununla yanaşı, seçicilər ölkə prezidentinin son vaxtlar korrupsiya və rüşvətxorluğa qarşı apardığı mübarizəni dəstəklədiklərini xüsusi olaraq vurğulamış və bu istiqamətdə ölkə prezidentinin atdığı addımların müsbət nəticələr verəcəyinə ümidvar olduqlarını bildiriblər”-deyə B.Hacıyev qeyd edib. Modern.az
