Quba şəhərində əslən rayonun Rustov kəndindən olan yazıçı Vaqif Musanın 75 illik yubileyi ilə əlaqədar tədbir keçirilib. Tədbir Azərbaycan Yazıçılar Birliyinin, Quba rayonu İcra Hakimiyyətinin və millət vəkili Vahid Əhmədovun təşəbbüsü ilə təşkil olunub. Görüşdə öncə rayon İcra Hakimiyyəti başçısının müavini Xanımsona Əkbərova danışıb. Filologiya elmləri doktoru, professor Nizaməddin Şəmsizadə yazıçının həyat və yaradıcılığı barədə tədbir iştirakçılarına ətraflı məlumat verib. Millət vəkili Vahid Əhmədov, Azərbaycan Respublikası Elmlər Akademiyasının müxbir üzvü İlyas Babayev, şair-qəzəlxan Şahin Fazil, Nazirlər Kabinetinin məsul işçisi Əkrəm Məmmədov və başqaları Vaqif Musa haqqında öz xatirələrini söyləyiblər. Tədbirdən sonra yubiley tədbirinin iştirakçıları rayonun Rustov kəndinə gedərək yazıçının məzarını ziyarət ediblər. Günün sonunda Vahid Əhmədov Rustov bölgəsinin seçiciləri ilə görüşüb, onları maraqlandıran suallara cavab verib. Məlumat Modern.az saytına deputatın qərargahından verilib. Modern.az