52 saylı Quba seçki dairəsindən deputat seçilmiş Vahid Əhmədov Quba şəhərində yerləşən ofisində vətəndaşların növbəti qəbulunu keçirib.
Deputatın köməkçisi Arif Orucovun Modern.az-a verdiyi məlumata görə, qəbulda Qubadan, eləcə də qonşu Qusar və Xaçmaz rayonlarından olan 28 vətəndaş iştirak edib.
Müraciətlər əsasən iş tapılmasında köməklik, sosial yardımların veriməsi, Sovet dövründən qalmış əmanətlərin qaytarılması və torpaq mübahisələri ilə bağlı problemlərdən olub.
Millət vəkili vətəndaşların qaldırdıqları bəzi problemlərin həlli istiqamətində aidiyyəti rayon təşkilatları qarşısında tədbir görülməsi üçün məsələ qaldırıb. Araşdırma tələb olunan müraciətlər nəzarətə götürülüb.
Qəbuldan sonra deputatın təşəbbüsü ilə təmir işləri aparılan Quba- Qonaqkənd yolunda aparılan işlərlə yaxından maraqlanmış, yaranmış problemlərin həlli üçün tədbirlər görülməsi istiqamətində müəyyən addımlar atılıb.
Modern.az