Ukraynanın Xarkov şəhərində kişi boksçular arasında Avropa çempionatında yarımfinalçıları arasında azərbaycanlı boksçu da yer alacaq.
Modern.az xəbər verir ki, bu gün keçirilən 1/4 final mərhələsində Azərbaycan yığmasının 5 üzvündən yalnız biri döyüşünü qələbə ilə bitirərək yarımfinala çıxıb.
Boksçu Kamran Şahsuvarlı (75 kq) Rio-2016-nın bürünc medalçısı Silvio Şyerle ilə qüvvəsini sınayıb. Boksçumuzun 4:1 hesabı ilə görüşü xeyrinə başa çatdırıb. O, yarımfinala yüksəlməklə, özü üçün ən azı bürünc medalı da təmin edib.
Şahsuvarlı iyunun 23-də baş tutacaq 1/2 finalda macar Zoltan Harcsa ilə qüvvəsini sınayacaq.
Modern.az
