Milli Məclisdə “Yol hərəkəti haqqında” qanuna təkilf olunan dəyişikliklər yol polisi barədə qızğın müzakirələrə səbəb olub.
Modern.az parlamentdən xəbər verir ki, Milli Məclisin üzvü, “Azəryolservis” ASC-nin prezidenti, deputat Cavid Qurbanov paytaxtın nəqliyyat sistemidə tez-tez şikayət edilən tıxac problemi ilə bağlı danışıb.
Deputat bildirib ki, Bakı şəhərində tıxac yox, sıxlıq problemi var. “Şəhərdə taksi dayanacaqları yoxdur. Halbuki, taksilər çağırışla işləməlidir”-deyən C.Qurbanov bildirib ki, yeraltı taksi qarajlarının olmaması problemi bir qədər də çətinləşdirir.
“Bakıda yeraltı taksi qarajları və onu tikmək üçün torpaq da yoxdur”-deyən deputat bildirib ki, qanunda avtomobillərin normativ göstəriciləri barədə maddə var. C.Qurbanov bu maddəyə istinad edərək təklif edib ki, normalara cavab verməyən maşınlar yollara buraxılmasınlar.

Modern.az