“Gələn il Bakıdan Gəncəyə sürət qatarının fəaliyyətə başlaması gözlənilir. Hesablamalara görə, qatar Bakıdan Gəncəyə təxminən 4 saata çatacaq”.
Modern.az xəbər verir ki, bu sözləri jurnalistlərə açıqlamasında "Azərbaycan Dəmir Yolları" QSC-nin sədri Cavid Qurbanov deyib. O gedişhaqqına da toxunub:
"Bu istiqamətdə gediş haqqının 10-12 dollar, təxmini 20 manat olması nəzərdə tutulub. Bu istiqamətdə hərəkət edəcək qatarlarda sərnişinlərin bütün zəruri ehtiyacları və rahatlığı üçün lazımi şərait yaradılacaq".
