Modern.az

Nazirlər Kabineti istefaya göndəriləcək  

Nazirlər Kabineti istefaya göndəriləcək   

Hadisə

11 Aprel 2018, 10:51

Bu gün Azərbaycanda növbədənkənar prezident seçkisi keçirilir. Azərbaycan Respublikasının yeni seçiləcək Prezidenti vəzifəsini tutduğu və səlahiyyətlərini icra etməyə başladığı gün Nazirlər Kabineti istefa verəcək.

Modern.az-ın məlumatına görə, bu barədə Azərbayacan Respublikasının Konstitusiyasının 116-cı maddəsində (Azərbaycan Respublikası Nazirlər Kabinetinin istefası) qeyd edilib.

Konstitusiyaya görə, yeni seçilmiş Azərbaycan Respublikasının Prezidenti vəzifəsini tutduğu və səlahiyyətlərini icra etməyə başladığı gün Azərbaycan Respublikasının Nazirlər Kabineti Azərbaycan Respublikası Prezidentinə istefa verir.

Konstitusiyanın 115-ci maddəsinə (Azərbaycan Respublikası Nazirlər Kabinetinin tərkibi) görə, Azərbaycan Respublikası Nazirlər Kabinetinin tərkibinə Azərbaycan Respublikasının Baş naziri, onun müavinləri, nazirlər və başqa mərkəzi icra hakimiyyəti orqanlarının rəhbərləri daxildirlər.

Konstitusiyanın 102-ci maddəsində (Azərbaycan Respublikası Prezidenti seçkilərinin yekunları) qeyd edilib ki, Azərbaycan Respublikası Prezidenti seçkilərinin yekunları haqqında məlumatı səsvermə günündən sonra 14 gün ərzində Azərbaycan Respublikasının Konstitusiya Məhkəməsi rəsmən elan edir.

 

Instagram
Gündəmdən xəbəriniz olsun!
Keçid et
Ukraynadan Rusiyaya ardıcıl zərbələr: Vəziyyət kritikdir