Rusiyada keçirilən futbol üzrə dünya çempionatında 1/8 finalın növbəti oyunu yekunlaşdı. Modern.az xəbər verir ki, Belçika və Yaponiya komandaları möhtəşəm oyun sərgiləyib. Oyunun ikinci hissəsinin ilk 7 dəqiqəsində 2 top fərqi ilə geri düşən Belçika möhtəşəm geri dönüş edə bilib.
Oyunun 70-ci dəqiqəsində Yaponiya qapıçısının səhvindən sonra Vertonge hesab arasındakı fərqi azaldıb. 74-cü dəqiqədə isə Fellaini hesabı bərabərləşdirib. Hər kəs oyunun uzatma dəqiqələrinə gedəcəyini gözlədiyi vaxtda Belçika oyunun taleyini həll edən qolu vurub. Nasir Şadli 90+4-də vurduğu qolla hesabı 3:2 etməklə komandasına 1/4 finala vəsiqəni təmin edib.
Qeyd edək ki, bu cütün qalibi 1/4 finalda Belçika Braziliya yığması ilə qarşılaşacaq.
23:32
Belçika vurduğu ardıcıl qollarla hesabı bərabərləşdirib: 2:2
23:14
İkinci hissəyə Yaponiya daha aktiv başlayıb. Oyunun 48-ci dəqiqəsində Haraquçi vurduğu qolla Yaponiyanı önə keçirib. 52-ci dəqiqədə isə İnui Belçikanı yenidən meydanın mərkəzinə dəvət edib: 2:0.
22:57
Rusiyada keçirilən futbol üzrə dünya çempionatında 1/8 finalın növbəti oyunu keçirilir. Modern.az xəbər verir ki, günün ikinci matçında Belçika və Yaponiya komandaları üz-üzə gəlirlər.
Oyunun ilk hissəsində qapılara qol vurulmayıb.
Qeyd edək ki, bu cütün qalibi 1/4 finalda Braziliya yığması ilə qarşılaşacaq.