Bir necə gündür havaların kəskin isti keçməsi nəticəsində elektrik enerjisinə olan tələbat kəskin şəkildə artıb və elektrik avadanlıqlarının istismarında açılmalar baş verib.
Modern.az xəbər verir ki, bu haqda Energetik Nazirliyi və “Azərenerji” ASC-nin birgə məlumatında bildirilir.
İlkin ehtimala görə, Mingəçevirdə əsas düyün yarımstansiyasında baş vermiş açılma səbəbindən sistemdə qəza açılması qaçılmaz olub.
"Vəziyyət tam nəzarət altındadır. Ölkə üzrə mərhəli şəkildə enerjinin təminatı bərpa edilməkdədir. Bir sıra bölgələrdə artıq enerji təmintı həyata keçirilib. Qısa müddət ərzində digərlərində də veriliş yerinə yetiriləcək.
Əlaqədar dövlət struktarlarından yaradılmış operativ əməliyyat qurupu və Səhmdar Cəmiyyətin Mərkəzi Dispetçer Xidməti bütün lazımi tədbirlərin görülməsi üçün zəruri işləri həyata keçirir", -deyə məlumatda vurğulanır.