Bakının Binəqədi rayonu Biləcəri Bələdiyyəsinin yerləşdiyi ərazidə zibil qutularının günlərlə boşaldılmaması sakinlərin ciddi narazılığına səbəb olub.
Biləcəri Bələdiyyəsinin sədri Hikmət Quliyev problemlə əlaqədar Modern.az-a açıqlamasında bildirib ki, dünən texnikalarda problem olub:
“Ona görə də dünəndən bu günə qədər zibil qutularının təmizlənməsində müəyyən problemlər yaşanıb. Amma biz həmin zibil qutularının boşaldılması üçün müvafiq qurumlardan kömək istəmişik. Yaranmış problem bu gün ərzində tam olaraq aradan qaldırılacaq”.
