“Atəşgah” sığorta şirkəti "Eurovision 2011" mahnı müsabiqəsinin qalibi Nigar Camal üzünü 1,5 milyon manat məbləğində sığortalayıb. Nigar Camal həm də “Atəşgah” şirkətinin rəsmi siması elan edilib. Modern.az xəbər verir ki, bu gün "Atəşgah” şirkətində məsələ ilə bağlı mətbuat konfransı keçirilib.
Şirkətin İdarə Heyəti sədrinin müavini Əkbər Mədətli deyib ki, Azərbaycanda insan bədənin hansısa hissəsinin sığortası ilk dəfədir tətbiq olunur.
Ə.Mədətli Nigar Camalın üzünün sığortalanmasının səbəbini onunla izah edib ki, "Eurovision 2011" mahnı müsabiqəsinin qalibi “Atəşgah” sığorta şirkətinin siması olacaq. Bununla bağlı imzalanan müqaviləyə əsasən, Nigar Camal digər şirkətlərlə buna bənzər müqavilələr bağlaya bilməz.
