Modern.az

Bakıda bayram yarmarkası açıldı  

Bakıda bayram yarmarkası açıldı   

21 Dekabr 2018, 13:59

Bu gündən Bakıda Kənd Təsərrüfatı Nazirliyinin təşkil etdiyi bayram yarmarkası açılıb. Modern.az xəbər verir ki, "Kənddən Şəhərə" adlanan bayram yarmarkası Bakıdakı Nizami küçəsi 154 (Landmark biznes mərkəzinin yanı) ünvanında fəaliyyətə başlayıb.

Nazirliyin Dövlət Aqrar Ticarət Şirkətinin informasiya və ictimaiyyətlə əlaqələr şöbəsinin müdiri Mais Musayev deyib ki, dekabrın 30-dək davam edəcək yarmarka saat 08:00-dan 21:00-dək xidmət göstərəcək:

““Kənddən Şəhərə” Dövlət Aqrar Ticarət Şirkətinin kiçik və orta fermer təsərrüfatı sahiblərinin yetişdirdiyi, eləcə də yerli istehsal ərzaq məhsullarının satışına dəstək məqsədilə həyata keçirdiyi bir layihədir. Bu layihə çərçivəsində Dünya Azərbaycanlılarının Həmrəylik günü və Yeni il bayramı ilə əlaqədar olaraq Nizami küçəsi 154 (Landmark biznes mərkəzinin yanı) ünvanında kənd təsərrüfatı məhsullarının satış yarmarkası təşkil edilib. Dekabrın 21-dən etibarən 10 gün ərzində baş tutacaq yarmarkada vətəndaşlarımız ekoloji təmiz, təbii və keyfiyyətli kənd təsərrüfatı məhsullarını əldə edə biləcəklər”.


Yarmarkanın keçirilməsində məqsəd həm paytaxt əhalisinin kənd təsərrüfatı və ərzaq məhsullarına artan tələbatının daha dolğun ödənilməsi, istehlakçıların seçim imkanlarının artırılması, eyni zamanda süni qiymət artımının qarşısının alınmasıdır.


Yarmarkada 110 fermer iştirak edir. Bundan başqa, 33 arıçının məhsulları da yarmarkada satışa çıxarılıb.

Whatsapp
Bizə yazın!
Keçid et
Hərbi gəmilər döyüşə hazır vəziyyətə gətirildi