Ona nə gəlirsə qeybdən gəlir - o SÖZü söyləmir, ağızdan doğur...
Ruhuna yaşıldan pay düşüb - Tanrının sevdiyi rəngdir, hara çəkərsə ora canlanar...
Onun gözlərinə hər adam baxa bilməz - baxışların qərq olduğu dəryadır...
Onun da hamı kimi tərcümeyi-halı var - tərcümeyi-halı olmayan bircə Allahdır...
-1946-cı il dekabrın 15-də Bakıda anadan olub. 1969-cu ildə Azərbaycan Dövlət Universitetini bitirib. Moskva Ali Ssenari Kurslarını bitirib (1976-1978). Cəfər Cabbarlı adına "Azərbaycanfilm" kinostudiyasında, "Mozalan" satirik kinojurnal studiyasında redaktor (1971), kinostudiyanın ssenari emalatxanasında ssenarist (1974-1975), ssenari redaksiya heyətinin üzvü (1979-1987), kinostudiyanın baş redaktoru (1987-1992) işləyib. Bir neçə şeir kitabının müəllifidir.
Ramiz Rövşənin ssenariləri əsasında çoxlu sayda bədii və sənədli film çəkilib. Şeir və hekayələri tərcümə edilərək bir sıra keçmiş SSRİ respublikalarında, eləcə də ABŞ-da, Almaniyada, Böyük Britaniyada, Fransada, Polşada, Bolqarıstanda, Türkiyədə və İranda çap olunub.
Amma bu tərcümeyi-hal ona heç lazım da deyil. O, öz tərcümeyi-halını çiyinlərində gəzdirir.
Yaxşı əməlləri sağ, pisləri isə solda...
Onu öldürmək mümkün də deyil- cismani ölsə də, yaşayanlardandır...
Q, odur- onu Tanrı da yaxşı tanıyır...
O, çoxdan SÖZ-ə çevrilib- Tanrının pıçıltısıdır..
Bu pıçıltını hər adam duya bilməz...
Yeni ilin mübarək, Ramiz Rövşən!
Elman Eldaroğlu,
ABŞ, Miçiqan