“Məlumat dəqiqdir, yanvar ayının 15-nə keçən gecə Məhəmməd Əmin Rəsulzadənin Novxanı kəndində yerləşən, hazırda uşaq bağçası kimi fəaliyyət göstərən evinin çöl hissəsinə vurulmuş baralyefi oğurlanıb”.
Bunu Modern.az-a Abşeron Rayon İcra Hakimiyyətinin mətbuat katibi Seymur Qasımbəyli məlum hadisə ilə bağlı danışarkən deyib. O qeyd edib ki, faktla bağlı araşdırma aparılır:
“Bundan əlavə Novxanı bələdiyyəsinə yeni baralyefin hazırlanıb yerinə asılması ilə bağlı göstəriliş verilib. Yaxın günlərdə yeni baralyef asılacaq”.
Qeyd edək ki, Abşeron rayonu Polis İdarəsindən Modern.az-a verilən açıqlamada “Məhəmməd Əmin Rəsulzadənin Novxanıdakı evindən çıxarılmış barelyef əslində kənar şəxslər tərəfindən oğurlanmayıb, həmin lövhə əslində Novxanı bələdiyyəsi tərəfindən çıxarılıb" deyilmişdi.
