“Bizim parlamenti digər ölkələrin parlamenti ilə müqayisə edəndə ən yaxşısıdır. Başqa ölkələrin parlamentlərində görün nə qədər xoşagəlməz hadisələr baş verir. Bizdə isə deputatların bir-birinə hörmətləri var. Azərbaycançılığımız bizə çox kömək edir”.
Bu sözləri Modern.az-a açıqlamasında Milli Məclisin yenidən formalaşmış İntizam Komissiyasının sədri Ağacan Abiyev deyib.
O bildirib ki, Azərbaycan parlamenti digər ölkələrin parlamentlərinə nümunədir:
“Onlar gəlsinlər, bizdən öyrənsinlər. Belə bir məsələ var, insanlar danışdıqları kimi iş görməyi də bacarmalıdırlar. Hesab edirəm ki, bu barədə də bizim parlament bir nümunədir. Deputatlarımız nümunəvi çalışdıqları üçün İntizam Komissiyası da işsiz qalıb”.
