Modern.az

Rüstəm İbrahimbəyov Bakıya gəldi - FOTOLAR

Rüstəm İbrahimbəyov Bakıya gəldi - FOTOLAR

Hadisə

17 Fevral 2019, 20:26

Bu yaxınlarda (fevralın 5-də) 80 yaşını qeyd edən tanınmış kinorejissor Rüstəm İbrahimbəyov uzun müddətdən sonra Bakıya gəlib. 

Modern.az
 xəbər verir ki, bu barədə məlumatı Facebook sosial şəbəkəsində Azərbaycan Kinematoqrafçılar İttifaqının katibi Əli İsa Cabbarov yayıb. 

Məlum olub ki, bu gün Azərbaycan Kinematoqrafçılar ittifaqı İdarə Heyətinin iclası keçirilib. Daha sonra dostları həmin ittifaqın sədri Rüstəm İbrahimbəyovun 80 illik yubileyini qeyd etmək üçün məclis təşkil ediblər.

Kinematoqrafçılar İttifaqının katibi Əli İsa Cabbarov R.İbrahimbəyovun iştirak etdiyi məclisdən fotoşəkil də paylaşıb.


Şəkildən görünür ki, məclisdə Azərbaycan Yazıçılar Birliyinin (AYB) sədri Anar, Azərbaycan Rəssamlar İttifaqının sədri Fərhad Xəlilov, professor Qulu Məhərrəmli, kinorejissor Tahir Tahiroviç, şair Baba Vəziroğlu və başqa tanınmış şəxslər yer alıb.


Qeyd edək ki, 2013-cü ilin prezident seçkilərində Milli Şurasının vahid namizədi olaraq Rüstəm İbrahimbəyovun namizədliyi irəli sürülsə də, o, Bakıya gələ bilmədi. 

Fevralın 5-də Modern.az-a açıqlamasında Rüstəm İbrahimbəyov Bakı üçün çox darıxdığını və tezliklə Azərbaycana gələcəyini demişdi. 


A.Qorxmaz

Instagram
Gündəmdən xəbəriniz olsun!
Keçid et
Hərbi gəmilər döyüşə hazır vəziyyətə gətirildi