Ukraynanın sabiq baş naziri Yuliya Timoşenkonun həbsxanadakı saxlanma şəraitinin videogürüntüləri yayımlanıb. Modern.az saytının “Cihan” agentliyinə istinadən verdiyi xəbərə görə, keçmiş baş nazir türmədə azadlıqdakından pis yaşamır. Onun həbsxanadakı evrotəmirli kamerasında plazma televizor, qızdırıcı sistem, lüks vanna otağı diqqət çəkir.
Ukraynanın azadlıqdan 7 illiyə məhrum edilən keçmiş baş naziri 2009-cu ildə həbs olunub. Y.Timoşenkonun azadlıqdan məhrum edilməsinə səbəb isə Rusiya ilə aparılan təbii qaz razılaşmasında səlahiyyətini pozması olub. Y.Timoşenko ölkəsinə 190 milyon dollar zərər vurmaqla ittiham olunur.
Modern.az
