“Bank Respublika” ASC-nin Müşahidə Şurasının növbəti yığıncağı keçirilib.
Modern.az xəbər verir ki, yığıncağda bankın İdarə Heyətinin yeni sədri vəzifəsinə Tariyel İsmayılovun təyin edilməsi barədə qərar qəbul edilib. Tariyel İsmayılov aprel ayının 2-dən etibarən səlahiyyətlərinin icrasına başlayacaq.
Tariyel İsmayılov əvvəllər “AccessBank” QSC-də İdarə Heyətinin sədrinin müavini vəzifəsində çalışıb. O, “İqtisadiyyatın hüquqi tənzimlənməsi” ixtisası üzrə ali təhsil alıb. Ailəlidir, 2 övladı var.
Məlumata görə, “Bank Respublika”nın İdarə Heyətinin əvvəlki sədri Asəf Namazov, tutduğu vəzifədən öz xahişi əsasında azad edilib və peşəkar fəaliyyətinə digər biznes qurumunda davam edəcək.