Modern.az

Azərbaycandakı bankların statistik göstəriciləri açıqlandı  

Azərbaycandakı bankların statistik göstəriciləri açıqlandı  

2 Aprel 2019, 11:59

28 fevral 2019-cu il tarixinə Azərbaycanda fəaliyyət göstərən bankların cəmi aktivləri 29,950.8 mln. manat, cəmi öhdəlikləri isə 25,708 mln. manat təşkil edib.

Bu barədə Modern.az-a Maliyyə Bazarlarına Nəzarət Palatasından (MBNP) məlumat verilib.

Bildirilib ki, iki ayda bank sektorun balans kapitalı 4,242.8 mln. manat olub. 2019-cu ilin fevral ayı ərzində bank sektorunun aktivləri 1.2% (348.0 mln. manat), öhdəlikləri 0.9% (222.3 mln. manat), balans kapitalı isə 3.0% (125.5 mln. manat) artıb. Bankların kredit portfeli fevral ayında 0.7% (88.9 mln. manat) artaraq 12,629.9 mln. manat təşkil edib.

2019-cu ilin fevral ayında fiziki şəxslərin əmanətləri 8,118.5 mln. manat təşkil edib.

Fevral ayında əmanətlər 1.7% (137.8 mln. manat) artıb, bankların əməliyyat mənfəəti 113.7 mln. manat, xalis mənfəəti isə 49.2 mln. manat təşkil edib.

Fəaliyyət göstərən 30 bankın filiallarının sayı 509, şöbələrinin sayı 130, ATM-lərin sayı 2 524 olub. Bank sektorunun işçi heyətinin sayında artım fevral ayında da davam edib.

Belə ki, 2019-cu ilin fevral ayında işçi sayı 0.5% (95 nəfər) artaraq 17 683 nəfər təşkil edib.

28 fevral 2019-cu il tarixinə bank sektorunun əsas göstəriciləri bank sektorunun icmal göstəricilərində öz əksini tapıb.

Instagram
Gündəmdən xəbəriniz olsun!
Keçid et
Ukraynadan hər kəsi şok edən xəbər: Azərbaycanlı jurnalist vəfat etdi