Modern.az

Aprel döyüşləri: Ermənistanda matəm, Azərbaycanda qələbə günü - FOTOLAR

Aprel döyüşləri: Ermənistanda matəm, Azərbaycanda qələbə günü - FOTOLAR

2 Aprel 2019, 13:53

Aprel döyüşlərinin 3-cü ildönümü Ermənistanda və Azərbaycanda fərqli şəkildə qeyd edilir.

 

Modern.az xəbər verir ki, 4 gün davam edən hərbi əməliyyatlarda ordumuz itki versə də, qarşıya qoyulan hədəflərə nail olundu və Azərbaycan ordusu Tərtərin Talış kəndi, Cəbrayılın Cocuq Mərcanlı kəndləri istiqamətində strateji yüksəklikləri azad edərək, taktiki qələbə qazandı.


Bu gün bütün ölkə boyu şəhidlər yad olunur, torpaqların azad olunması bayram edilir. Amma düşmən Ermənistanda vəziyyət 180 dərəcə tərsindədir. Belə ki, uzun illər Birinci Qarabağ Müharibəsindəki qələbənin eyforiyası ilə yaşayan Ermənistan 2016-cı ilin 2-5 aprel döyüşləri zamanı ordumuzun gücü ilə üz-üzə qalmışdı.

 

Ötən axşam Yerevanın mərkəzi küçələrində aprel döyüşləri zamanı ölən ermənilərlə bağlı geniş matəm yürüşü keçirilib. Yürüşə ictimaiyyət nümayəndələri, deputatlar, mədəniyyət xadimləri qatılıblar.   

Analoji aksiyalar Gümrü, Vanadzor və Qafanda da keçirilib. Aksiya iştirakçıları döyüşlərdə ölən hərbçiləri yada salaraq, onların ölümündə münaqişəni həll edə bilməyən Serj Sarkisyan hakimiyyətini kəskin tənqid ediblər.

Yerevandakı aksiyanın təşkilatçılarlından biri, “Demokratik islahatlar” təşkilatının sədri Petros Qevondyan aprel döyüşləri zamanı erməni hərçbilərinin korrupsiyadan ciddi əziyyət çəkdiyini deyib.

“Döyüş patronlarının olmamasından, hərbi texnika üçün yanacağın yoxluğundan, zabit heyətinin əsgərləri səngərdə qoyub qaçması faktlarından danışmaq lazımdır. 25 il ərzində korrupsiyadan əziyyət çəkən sistem yenilənməlidir”.

 

Xatırladaq ki, 2016-cı il aprelin 2-də Ermənistan silahlı qüvvələrinin təxribatlarına cavab olaraq, Azərbaycan Ordusu sürətli əks-hücum əməliyyatı ilə düşməni ağır məğlubiyyətə uğratdı. Nəticədə cəbhənin Füzuli, Cəbrayıl və Tərtər  istiqamətində işğal altındakı ərazilərimizin 2000 hektardan çox hissəsi düşmən tapdağından azad edildi.



Uğurlu əməliyyatlar nəticəsində Naftalan şəhərinə təhlükə yaradan Talış yüksəkliyi işğalçılardan təmizləndi. Həmçinin Horadiz şəhərinin düşmən təhlükəsindən qorunması məqsədilə Lələtəpə yüksəkliyi də düşməndən təmizləndi. Eyni zamanda Lələtəpə yüksəkliyinin azad edilməsi nəticəsində Cəbrayıl rayonunun Cocuq Mərcanlı kəndində mülki əhalinin yaşayışı üçün təhlükə tamamilə aradan qaldırıldı.

Ordumuzun qəti zərbələri nəticəsində düşmənin 30-dək tankı, 25-dən çox artilleriya qurğusu və digər zirehli texnikası sıradan çıxarıldı, 320 hərbçisi məhv edildi, 500-dən artıq döyüşçüsü yaralandı. 

Məhz bu döyüşlər sayəsində Azərbaycanın əsgər və zabitləri işğalçı Ermənistan rəhbərliyinin uzun illər öz ordusu haqqında formalaşdırdığı mifi darmadağın etdilər.

Twitter
Sizə yeni tvit var
Keçid et
Paşinyan Qazaxa gəldi - Ermənilər üzərinə hücum çəkdi