Modern.az

“Ən güclü Azərbaycan diasporu Ukraynadadır” - Komitə sədri

“Ən güclü Azərbaycan diasporu Ukraynadadır” - Komitə sədri

14 Aprel 2019, 16:30

Ukrayna Azərbaycanlıları Radasının (RAU) təsis qurultayında iştirak etmək üçün Kiyevdə səfərdə olan Diasporla İş üzrə Dövlət Komitəsinin (DİDK) sədri Fuad Muradov və qurultay nümayəndələri bu gün Ukraynanın Xalq rəssamı Katib Məmmədovun sərgisinin açılış mərasimində iştirak ediblər.

 

Modern.az xəbər verir ki, açılışdan sonra K.Məmmədov sərgi və burada nümayiş etdirilən əsərlərlə bağlı məlumat verib.

 

Daha sonra Ukrayna Azərbaycanlılarının Radasının əsas qərargahı kimi təklif edilən ofislə tanışlıq olub. Ukrayna Azərbaycanlıları Birləşmiş Diasporunun sədri Hikmət Cavadov qonaqları qərargahda yaradılmış şəraitlə yaxından tanış edib. Bildirib ki, RAU-nun mərkəzi ofisinin burada yerləşməsi məqsədəuyğun olardı.

 

Tədbirdə Diasporla İş üzrə Dövlət Komitəsinin sədri Fuad Muradov RAU-nun yaradılmasına və bugünkü tədbirə görə Ukraynadakı diaspor rəhbərlərinə öz təşəkkürünü bildirib. Deyib ki, bu ölkədəki Azərbaycan diasporu istər təşkilatlanma, istər müxtəlif sahələrdə qazandığı uğurlar baxımından ən güclü diaspordur: “Ukrayndadakı soydaşlarımız, eyni zamanda çox vətənpərvər insanlardı. Biz sizinlə fəxr edirik”.

 

Qeyd edək ki, F.Muradov Ukrayna Azərbaycanlıları Birləşmiş Diasporunun Azərbaycan Xalq Cümhuriyyətinin 100 illiyi münasibətilə təsis etdiyi medalla təltif olunub. Hazırlanmış 100 ədəd medalın 100 nömrəlisi DİDK-in sədrinə təqdim edilib.

Instagram
Gündəmdən xəbəriniz olsun!
Keçid et
Paşinyan Qazaxa gəldi - Ermənilər üzərinə hücum çəkdi