Arxiv
14 Aprel 2019, 18:43 | AKTUAL
“Ölüm-dirim ayağındayam...” - Sumqayıtlı aktyor FƏRYAD ETDİ

“Dövlətimizdən, xalqımızdan kömək istəyirəm. Ümid edirəm ki, ölkə rəhbərimiz, xalqımız məni ölməyə qoymayacaq!".

 

Modern.az bunu bir neçə gün əvvəl Sumqayıt Dövlət Dram Teatrının şəhər xəstəxanasına yerləşdirilmiş tanınmış aktyoru Yalçın Səlimov deyib.  

 

O, vəziyyətinin çox ağır olduğunu bildirir:

"Xəstəliyimə görə məcburam ki, insanlardan, dövlətimizdən kömək istəyim. Artıq ölüm-dirim ayağındayam. Övladlarım var, yaşamaq istəyirəm. Bu vaxta kimi heç kəsdən kömək istəməmişəm. Ancaq indi köməyə çox ehtiyacım var. Qaraciyərim artıq öz funksiyasını itirərək sıradan çıxıb. Təcili olaraq qaraciyər transplantasiyası edilməlidir. Yaxın günlərə kimi qaraciyərim mütləq dəyişdirilməlidir. Ümid edirəm ki, xalqımız məni ölümün əlinə verməyəcək. Hamıdan, ilk növbədə dövlətimizdən, Prezidentimiz İlham Əliyevdən kömək gözləyirəm".

 

BU KATEQORİYADAN OLAN DİGƏR XƏBƏRLƏR
+ Arxiv