“Qala divarlarının görünüşünü heç nə kəsə bilməz. İçərişəhər hər zaman sakinlər və turistlər üçün populyar yer olub. Yalnız yararsız vəziyyətə gələn binaların yenidən, çox hündür konstruksiyadan bərpası həyata keçirilib”.
Modern.az xəbər verir ki, bu sözləri “BBC News Azərbaycanca”ya müsahibəsində Azərbaycanın Birinci vitse-prezidenti Mehriban Əliyeva bildirib.
Birinci vitse-prezident vurğulayıb ki, İçərişəhərin ”hər qalası, divarı, hər bir daşı dövlətin” diqqətindədir: ”Vaxt vardı ki, İçərişəhər məhz burda olan nöqsanlara görə, UNESKO-nun qara siyahısına salınmışdı. Ondan sonra bir çox tədbirlər həyata keçirildi, xarici ekspertlər dəvət olundu, onların rəyini aldıq, onların dəstəyi ilə bütün nöqsanları aradan qaldırdıq”.
