Modern.az

 “Kitabı Dədə Qorqud”un 3-cü nüsxəsi tapıldı - FOTOLAR  

 “Kitabı Dədə Qorqud”un 3-cü nüsxəsi tapıldı - FOTOLAR  

Ədəbi̇yyat

27 Aprel 2019, 23:14

"Dədə Qorqud Dastanı"nın 3-cü nüsxəsi tapılıb. Modern.az  xəbər verir ki,  bu barədə Türkiyədə keçirilən Dünya Mədəni Mirası Dədə Qorqud Beynəlxalq Konfransında məlumat verilib. Konfrans Türk Dil Qurumu, Bayburt valiliyi, Bayburt Universiteti və Birləşmiş Millətlər Təşkilatının Təhsil, Elm və Mədəniyyət Təşkilatının (UNESCO) təşkilatçılığı ilə keçirilir.

 

İndiyədək "Dədə Qorqud" Dastanının iki nüsxəsi məlum idi. Bunlardan biri Drezdendə (Almaniya), digəri isə Vatikanda (İtaliya) saxlanılır.

 

Tapılan yeni nüsxədə əvvəlkilərdən fərqli olaraq itən 13-cü dastan yer alır. Bu dastanda Salur Qazanın əjdahanı öldürdüyü boy var.

 

3-cü nüsxəni tapan türkoloq professor Metin Ekici dastanı Kazaxıstanda tapdığını bildirib.

O, yeni nüsxəyə “Türkistan” adı verib: "Yeni nüsxəni əsər olaraq yayımlamağı planlaşdırırıq. Bu türk dünyası üçün önəmli kəşfdir".

 

Dünya Mədəni Mirası Dədə Qorqud Beynəlxalq Konfransının iştirakçıları 3-cü nüsxənin tapılmasının çox önəmli olduğunu bildiriblər. Amma burda 13-cü dastanın yer alması kəşfi daha da önəmli edir.

Whatsapp
Bizə yazın!
Keçid et
Ukraynadan Rusiyaya ardıcıl zərbələr: Vəziyyət kritikdir