Modern.az

“Azərbayanda qida təhlükəsizliyilə bağlı ciddi problemlər var” - DEPUTAT

“Azərbayanda qida təhlükəsizliyilə bağlı ciddi problemlər var” - DEPUTAT

İqtisadiyyat

1 May 2019, 09:20

Prezident İlham Əliyev “Azərbaycan Respublikasında qida təhlükəsizliyinin təmin edilməsinə dair 2019-2025-ci illər üçün Dövlət Proqramı”nın təsdiq edilməsi haqqında sərəncam imzalayıb.

Dövlət Proqramında nəzərdə tutulmuş tədbirlərin icrasının monitorinqini və qiymətləndirilməsini Qida Təhlükəsizliyi Agentliyinin sifarişi əsasında İqtisadi İslahatların Təhlili və Kommunikasiya Mərkəzi həyata keçirəcək.


Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov Modern.az-a bildirib ki, bu, vaxtında verilmiş qərardır:

“Çünki Azərbayanda qida təhlükəsizliyilə bağlı ciddi problemlər yaşanmaqdadır. Baxmayaraq ki, bu sahəyə nəzarət edən Qida Təhlükəsizliyi Agentliyi müəyyən nöqsanları aşkarlayır, ümumilikdə problemlər həddindən çoxdur. Ona görə də belə bir Proqramın qəbul edilməsi çox vacibdir. Son vaxtlar qidadan zəhərlənmələr artıb, supermarketlərdə yararsız məshullar baş alıb gedir, istehakçıların aldıqları məhsulların tərkibində sağlamlığa zərərli maddələr aşkarlanır. Belə faktlar var. Ona görə də bu məsələlərə diqqət artırılmalıdır”.

 

İqtisadçı deputatın sözlərinə görə, Proqramın həyata keçirilməsinə nəzarəti gücləndirmək lazımdır ki, neqativ hallar mümkün qədər tez bir zamanda aradan qalxsın:


“Mən hər zaman demişəm ki, sərhəddən başlamış istehlakçıya çatana qədər bütün qida məhsulları nəzarətdən keçirilməlidir. Məhsullar lazımi laborator müayinələr aparıldıqdan sonra istehlakçıların ixtiyarına buraxılmalıdır.

Hazırda Qida Təhlükəsizliyi Agentliyində müəyyən kadr problemləri var və onların aradan qaldırılması ilə məşğuldurlar. Amma buna da kifayət qədər vaxt lazımdır. Ümumilikdə Azərbaycanda qida ilə əlaqədar ciddi və həllini gözləyən neqativ hallar həddindən çoxdur.

Fikir verirsinizsə, supermarketlərin sayı getdikcə artmaqdadır. Hətta bəziləri özləri məhsul istehsal edib satırlar. Onların fəaliyyətinə nəzarət etmək tələb olunur. Qida Agentliyinin rəhbəri bu sahədə müəyyən təcrübəyə malik insandır. Ona görə də kadrla bağlı problemləri həll edəcəyinə inanırıq. Amma ümumilikdə təkcə Qida Təhlükəsizliyi Agentliyi deyil, Gömrük Komitəsi, Kənd Təsərrüfatı Nazirliyi bu sahədə birgə fəaliyyət göstərməlidirlər ki, keyfiyyətsiz məhsullar Azərbaycana daxil ola bilməsin”.

Telegram
Hadisələri anında izləyin!
Keçid et
Ukraynadan Rusiyaya ardıcıl zərbələr: Vəziyyət kritikdir