AzTV-nin sədr səlahiyyətlərini icra edən Rövşən Məmmədov Dövlət Televiziyası və Radiosunda çalışmış yaşlı diktorları görüşə dəvət edib.
Modern.az xəbər verir ki, bu barədə görüşdə iştirak etmiş tanınmış diktor Nailə İslamzadə bildirib.
“Rövşən müəllim illərlə nəinki efirə, AzTV-nin həyətinə girməyə belə həsrət qalan diktorlara birlikdə işləmək və təcrübələrindən faydalanmaq istədiyini bildirdi. Onun bizə verdiyi dəyər, əslində onun özünü ucaltdı” - deyə Nailə İslamzadə əlavə edib.
