Bu gün “Dağlıq Qarabağ Bölgəsinin Azərbaycanlı İcması” İctimai Birliyində bu qurumun üzvlərilə Parlament Jurnalistləri Birliyi (PJB) üzvlərinin görüşü təşkil olunub. Modern.az saytının məlumatına görə, görüşdə İcmanın sədri Bayram Səfərov, qurumun üzvləri Fərhad Bədəlbəyli, Rövşən Rzayev, deputat Fuad Muradov, PJB-də təmsil olunan 20-dən çox jurnalist iştirak edir.
Görüşün təşkilində məqsəd “Dağlıq Qarabağ Bölgəsinin Azərbaycanlı İcması”nın jurnalistlərlə əlaqəsini, Qarabağdan xəbəri olmayıb Qarabağdan yazanların ümumi işə vurduğu zərbə və bundan çıxış yolunu müzakirə etmək, icmanın jurnalistlərlə mütəmadi əlaqəsi üçün prioritetləri müəyyənləşdirmək, jurnalistləri maraqlandıran digər suallara cavab tapmaqdır.
Modern.az