ABŞ-ın Federal Ehtiyat Sistemi (FED) baza faiz dərəcəsini dəyişməyib. Modern.az xarici mediaya istinadən xəbər verir ki, FED-in 18-19 iyun tarixlərində keçirilən iclaslarının yekununda faiz dərəcəsinin illik 2,25-2,5 faiz səviyyəsində saxlanılması qərara alınıb.
FED, həmçinin, ABŞ-ın 2019-cu ildə ÜDM artımı üzrə proqnozunu 2,1 faiz səviyyəsində saxlayıb, 2020-ci il proqnozunu isə 1,9 faizdən 2 faizədək artırıb.
Qeyd edək ki, 2018-ci ildə FED faiz dərəcəsini mart, iyun, sentyabr və dekabr aylarında olmaqla dörd dəfə qaldırıb. Sonuncu dəfə artım 0,25 faiz bəndi təşkil edib.
