Bu gün Böyük Vətən Müharibəsinin başlanmasından 78 il ötür. Modern.az xatırladır ki, Hilter Almaniyasının Sovet İttifaqına qəfil hücumu barədə məlumatı sadə vətəndaşlar radio vasitəsilə almışdılar.
Radio diktoru Yuri Levitanın səsi Sovet İttifaqı vətəndaşlarını, o cümlədən azərbaycanlıları qələbəyə səsləyirdi.
“Diqqət, diqqət, Danışır Moskva. Vacib hökumət xəbərini çatdırırıq. Sovet İttifaqının qadın və kişi vətəndaşları!Bu gün səhər saat 4-də Almaniya Silahlı Qüvvələri müharibə elan etmədən Sovet İttifaqının sərhədlərinə hücum çəkib. Sovet xalqının alman-faşist işğalçılarına qarşı Böyük Vətən Müharibəsi başlayıb. Bizim işimiz haqlıdır, düşmən məğlub ediləcək. Qələbə bizimləridr!”.
Sovet vətəndaşları bu xəbərləri idnləyir və göz yaşlarına boğulurdular. 1418 gün davam edəcək və 28 milyon Sovet vətəndaşının, 13 milyon almanın ölümü ilə yekunlaşacaq müharibə yalnız 1945-ci ilin mayında Berlində sonlanacaqdı.
