Paytaxtın Rəşid Behbudov küçəsilə Süleyman Rəhimov küçəsinin kəsişməsində tıxac yaranıb. Bu barədə Modern.az-a Bakı Nəqliyyat Agentliyinin (BNA) mətbuat katibi Mias Ağayev bildirib.
M.Ağayevin sözlərinə görə, Rəşid Behbudov küçəsindən Süleyman Rəhimov küçəsinə giriş bağlıdır:
“Səbəb ərazidə təmir işlərinin aparılmasıdır. Buna görə də qeyd edilən yolda sıxlıq müşahidə edilir”.
M.Ağayev sürücülərdən alternativ yoldan istifadə etməyi tövsiyə edib.