Rusiyanın Tolyatti şəhərində kafelərdən birində baş verən kütləvi dava zamanı 27 yaşlı cüdo üzrə idman ustası Yergeni Kuşnir qətlə yetirilib.
Modern.az Rusiya KİV-nə isitnadən xəbər verir ki, iyunun 24-də baş verən hadisədə şübhəli bilinən şəxsin adı açıqlanıb. Bu, milliyətcə azərbaycanlı olan 1988-ci il təvəllüdlü Elşən Elman oğlu Qəhrəmanovdur.
Hazırda Rusiya polisi azərbaycanlının axtarışına başlayıb. Qəhrəmanovla birlikdə davada iştirak edən 47 yaşlı Tolyatti sakini isə artıq nəzarətə alınıb.
Davada bıçaq xəsarətləri alan 1 nəfər isə xəstəxanada yatır.