2019-cu ilin yanvar-iyun aylarında Gürcüstanı 622,8 min Azərbaycan vətəndaşı ziyarət edib.
Modern.az Gürcüstan KİV-nə istinadən xəbər verir ki, bu barədə ölkənin Milli Turizm Administrasiyası bildirib.
Bu göstərici ilə Azərbaycan ikinci sırada yer alır. Belə ki, Gürcüstana ən çox səfər edənlər arasında liderlik Rusiyaya məxsusdur. 6 ayda ölkəni 691,6 min rus turist ziyarət edib.
Üçüncü pillədə Ermənistan (531 min), 4-cü pillədə Türkiyə (499,6 min) və 5-ci pillədə Ukrayna (82,8 min) yer alıb.
Ümumilikdə, 6 ayda Gürcüstanı 3 milyon 862 min 40 turist ziyarət edib. Bu ötən illə müqayisədə 8,4% çoxdur.
